【新增動新聞】
皇家馬德里球星基斯坦奴朗拿度（C朗）因為喺季初西班牙超級盃兩黃一紅之後推球證，總共被罰停賽五場，暫時仲未復出，而佢就趁住空檔帶埋女友佐真娜（Georgina Rodriguez）返咗葡萄牙，喺上星期六睇母會士砵亭主場以2:0擊敗嘅葡超賽事。32歲嘅C朗1997-2002年係士砵亭青年軍成員，之後亦喺士砵亭展開職業球員生涯，雖然佢只係踢咗一季就轉會曼聯，但佢今次返到母會依然好受球迷歡迎，唔少球迷一齊大聲唱佢個名，可見C朗喺士砵亭球迷心目中仍然好有地位。