今日嘅投票結果，盛傳好影響特首梁振英嘅去留；關乎到自己嘅政途，梁振英點會唔緊張？佢今朝亦同太太去到所屬票站投票，冇發表惹火言論，可能唔想益咗反梁陣營，但衣飾或者會反映態度。佢同太太都以藍色衫亮相，可能係表明撐藍絲陣營。

唔知夾埋抑或咁啱心有靈犀呢？今朝同樣到票站投票嘅政務司司長林鄭月娥，亦以鮮藍色外套現身，裡面仲著住件「欣賞香港」運動嘅Tee；相信係乜嘢意思，都唔洗八方再多講一次。

嘩，真係夾到呢．．．同林鄭一樣喺山頂票站投票嘅律政司司長袁國強，深色外套裡面，同樣喺藍色恤衫喎！呢一種藍調，喺選舉日出現，肯定別有一番意思。唔知最終嘅選舉結果，又啱唔啱佢哋心意？