當年今日
關於我們

關仁隱事:吹波波借房做鐵竇 - 關仁

蘋果日報 2007/12/08 00:00


擦鞋藝人「吹波波」喺三色台都幾唔得人心,原因係佢鍾意扮謙但實情一啲都唔謙,做人假到無倫,不過佢喺公司都會收斂吓,出到外面就即刻露出真本性,恃住把口talk得,吹水吹到千呎遠,而且佢最識得靠把口冧女。
關仁聽講吹波波同佢位開舖頭嘅有錢親戚都係媾女王,佢親戚獨居九龍區酒店式住宅,冇王管做乜都冇所謂,但吹波波就家有兩個女人,一個係佢阿媽,一個係同居姐仔女友「甜絲絲」,所以佢媾女係唔使旨意帶返歸,結果佢諗出一條屎橋,就係冧掂個親戚畀間房佢。𠵱家吹波波有個鐵竇,𠝹女自然變本加厲,難為甜絲絲晚晚留喺屋企,戇居居等郎歸。
Textby關仁