馮仁昭四圍超
型人大會相逢如陌路 李璨琛舊愛拖仔示威 - 馮仁昭
蘋果日報 2007/04/28 00:00
前日 型女換伴
開幕儀式後，Carrie即與新男友手拖手出席派對，李璨琛則未見蹤影。- 02年 出雙入對
李璨琛當年同Carrie好鬼恩愛，經常有影皆雙，可惜此情不再。 - Carrie（箭嘴示）同舊愛李璨琛前晚出席時裝店開幕活動，兩人喺場內見面不相識。
- 日本潮流教父藤原浩（左）同品牌設計師中村世紀特登嚟香港撐場。
日本品牌VisvimF.I.L.專門店前日喺中環開幕，除咗設計師中村世紀同埋「潮流教父」藤原浩特別由日本嚟香港撐場之外，陳冠希、余文樂、化妝師阿Zing同林海峰等都有嚟。雖然型男濟濟一堂，但都俾李璨琛同模特兒舊愛Carrie搶晒風頭。
當晚李璨琛同Carrie同場現身，Carrie嘅新歡都在場，自然份外矚目。一對昔日戀人齊齊迫喺雲咸街，但係男嘅就掛住做訪問，女嘅就大方任攝記影相，之後仲拖實新男友出席開幕派對，唔知呢啲係咪叫示威呢？
當晚李璨琛同Carrie同場現身，Carrie嘅新歡都在場，自然份外矚目。一對昔日戀人齊齊迫喺雲咸街，但係男嘅就掛住做訪問，女嘅就大方任攝記影相，之後仲拖實新男友出席開幕派對，唔知呢啲係咪叫示威呢？
否認與蕭定一交惡
李璨琛接受訪問嗰陣，講番之前蕭定一喺本報專欄話當初因為冇帶埋佢離開漢傳媒，搞到兩人反晒面，對此李璨琛話：「儍啦，我一啲都冇嬲佢，我明白身為公司高層，做事會有好多原因。」至於阿Zing就話幫鄭秀文（Sammi）構思緊演唱會嘅化妝，佢話：「之前成班工作人員開過會，之後我會再同Sammi傾，今次未必有好突出嘅化妝，反而係會襯托佢成個image（形象）囉。」