【主能夠♪主能夠♫】亞視又裁員葉家寶挖角 預告搞福音歌比賽
葉家寶創世星光大道
葉家寶曾任亞視執行董事,對於亞視又裁員,佢表示都有聽聞。(攝影:陳慧安)
謝寧為創世電視主持節目《主食寧感》,今日邀請咗陳美齡擔任嘉賓,創世電視總監葉家寶特別到場探班。(新聞連結: https://bit.ly/2HitdzZ )
葉家寶指謝寧答應做主持不收分文:「佢將我哋俾佢有限嘅報酬,撥落去製作費上,所以佢係一毫子都冇收。」佢又話遲啲會舉辦《創世星光大道》:「參加者要唱福音歌或者正能量嘅歌,詳情稍後公佈。」佢又透露今年書展會推出新書《新生活 我在創世電視的第一年》。對於亞視要縮皮炒人,葉家寶表示:「有聽聞,可能又有啲轉營同新方向,創世電視歡迎合適嘅人嚟加入,因為我哋會大量增加節目。」(新聞連結: https://bit.ly/2Lhvr53 )
講到節目,謝寧表示嘉賓透過人與人嘅回憶帶出人生道理,陳美齡指媽媽煮嘅「栗子炆雞」最有感情,一代傳一代,佢話:「0依家啲仔喺美國住,佢食番我煮嘅嘢,都會話係『媽咪嘅味道』。」謝寧話老公唔想一年365日都食中菜:「我會中、日菜兩邊煮,但我煮日本菜有少少中國味。」有冇教新抱仔煮中菜?佢表示:「我哋唔係一齊住,所以未有機會教,不過我個仔識煮,除咗中、日菜,仲識煮西餐。」至於謝寧則指媽媽煮嘅「鎮江骨」最有回憶,謝媽媽都有教佢包餃子。
精選娛聞,喺晒《娛果》
http://fb.com/appledailyent
佢透露之後會舉行《創世星光大道》,又會大量增加節目,需要多啲人手。
謝寧幫手做主持,不分收文,今日請到陳美齡擔任嘉賓。