日本組合SMAP解散半年，香取慎吾、草彅剛及稻垣吾郎已決定9月8日約滿尊尼事務所後離巢發展，只有木村拓哉、中居正廣繼續效力尊尼。

日媒已證實三子離巢消息，相信一如所料係跟隨前經理人飯島三智另起爐灶，不過三人照行規會有兩年空白期，尊尼施壓下呢段時間唔可以亮相電視節目。

香取、草彅同埋稻垣效力飯島三智重新展開事業，據知飯島近年積極打通中國人脈關係，助三子進軍中國市場。今日有日本報章再報道，香取、草彅、稻垣真係會趁約滿後到中國發展，未來兩年會主力賺人民幣，有機會接拍強國電影。其實早前已有消息指飯島公司跟日本染紅企業Laox免稅店合作，而Laox就係多年前已被蘇寧電器收購，三子好有可能獲蘇寧作後盾踏足大中華市場。