經濟雖好轉，惟社會上仍有不少家庭憂柴憂米，有見及此，「蘋果愛心福袋」關懷行動一直致力向經濟有困難家庭送贈食物福袋，助紓困境。

日前，兩個綜援家庭阿鳳及阿蓮收到記者送上內有：白米、食油、罐頭及即食麵等物品的「蘋果愛心福袋」，二人對於善長的關懷，感激不已。
個案一：七歲的明仔甫見記者把「蘋果愛心福袋」內的食物逐一放在枱面上，顯得十分好奇，他拿着威化餅、營養麥片仔細觀看，其身旁四十歲的母親阿鳳向他慢慢解說：「呢啲麥片好有營養、好好味，要煮好先食得，遲啲煮畀你做早餐食。」
阿鳳的丈夫原從事運輸工作，乃家庭經濟支柱，早前其夫因末期肝硬化病逝，遺下她及兩名現年分別七歲及十歲子女，生活陷困，一家三口現靠綜援金度日，經濟緊絀。
每逢假日，阿鳳只會帶子女參加社區中心舉辦的免費娛樂活動，享受親子樂，另其家中的衣物及玩具大多由他人轉贈。

「夠我哋食個幾月」
「細路學校間中要交雜費同埋買補充練習，呢啲錢好多係喺生活費度慳番嚟，惟有盡量食少啲，今日你哋拎咁多嘢食嚟，夠我哋食個幾兩個月，幫我慳番唔少買餸錢，好感激善長咁有心幫助我哋啲窮人。」阿鳳感激地表示。

個案二：三十九歲的阿蓮接獲記者送贈的「蘋果愛心福袋」後說：「嘩﹗乜拎咁多嘢食嚟，呢啲罐頭、即食麵啱晒我哋食，真係幫輕我唔少生活開支。」
曾在內地任職幼稚園教師的阿蓮，育有一名七歲兒子，婚後她辭退工作，照顧孩子，生活開支便由在港任職的士司機的丈夫負擔。