截至今晚（21日）快活谷夜賽之前，練馬師蔡約翰只差一WIN，便可追平由告東尼創下之練馬師一季贏馬最多紀錄（91WIN），既然蔡約翰近九戰八次有馬贏，得勢不饒人，當然會繼續出擊。

今晚蔡約翰列陣中，「話得事」及「勁皇子」均在王牌在身，料屬馬房出擊重心，事關近三次夜賽，此廐共六匹王牌馬，取得一冠四亞一季全上名，好似上周三「首映」及「龍船」雙雙入Q，證明出得王牌的報名馬，必定有計。

第八場三班1650米，「話得事」上仗在港初出跑田草1400米得第五，表現唔差，今仗移師谷草上陣，睇番此駒三月已試谷閘跑第三，早就check準場地性能，熱身後轉跑谷草，對手較弱，本地外地贏1618好黏地賽，今仗隨時會有截然不同的演出。

至於第三場四班1200米，「勁皇子」今季一直演出穩定，上仗配杜利萊大敗只因抽12檔，早段被頂在四叠蝕位太多，與實力完全無關，今仗用雷神莫雷拉兼內移至4檔，可望回復表現。