《女兒國》最大對手相信係安樂嘅《捉妖記2》,雖然暫時唔知鹿死誰手,但網絡版權賣埠方面,星皓先贏一仗,聽講愛奇藝用咗兩億人民幣(約2.4億港元)天價買咗獨家網絡版權,刷新咗電影網絡版權最高價紀錄,星皓公司負責人王海平回應:「《女兒國》網絡版權係賣咗畀愛奇藝,價錢合理,但實際金額唔講得,係商業秘密。」而騰訊就好似以1.5億(約1.8億港元)買咗《捉妖記2》網絡版權。
《西遊記》系列已經成為星皓嘅生招牌,因為呢個系列喺內地好成功,吸引咗香港主板上市公司高雅光學(00907)喺今年10月正式公告,向星皓影業收購咗香港星皓電影發行公司全部股權。
撰文:馮仁昭