八號波驚被風扯起
阿Sa閉門開檯阿嬌纖體

蘋果日報 2003/09/03 00:00


女子組合Twins近日拍攝新唱片的封套,大玩性感形象,又大玩瑜伽。而Twins昨日因為颱風關係而獲得額外假期,蔡卓妍(阿Sa)表示會約同事到家中打麻雀,而鍾欣桐(阿嬌)就去做纖體療程。
女子組合Twins日內便會推出個人廣東大碟《Evolution》,二人日前拍攝封面照時大玩性感,阿嬌和阿Sa不時在長鏡前搔首弄姿。

細個好彩阿媽拉住
昨日天文台高掛八號風球,Twins的所有工作都被迫取消,二人獲得額外假期,分別安排自己的節目。阿Sa昨日在電話中說:「我咁瘦,打風就最好留喺屋企,記得細個十幾歲時同媽咪去街,又係打大風,我當時拎住把雨傘,竟然畀啲狂風扯起,好彩媽咪即刻拉住我咋。」
問阿Sa有甚麼節目,她說:「咁就梗係打麻雀,我諗住一陣約班同事嚟屋企開枱。我哋唔會打得好大,最大上落都係一百幾十蚊。」至於阿嬌就打算到纖體公司做纖體療程,她昨日亦在電話中說:「我想再瘦啲嘛。」

衣着性感大玩瑜伽
此外,Twins日前拍攝新碟封套,二人穿上性感衣着,並在鏡頭前大做瑜伽動作,幸好阿Sa和阿嬌平時演出都練習跳舞,所以她們的身手都算靈活和敏捷,Twins稍為練習一下都能做到攝影師的要求。Twins在拍攝之餘,更寓工作於娛樂,不時拿出相機玩自拍。
採訪:比華利
empty
阿嬌舞動身體,為新碟封套拍照。
empty
平時身手靈活的阿嬌,做一字馬絕非難事。
empty
阿Sa一個瑜伽動作,甚有嬌俏可人的感覺。