焦媛同高皓正今日喺尖沙嘴上郵輪宣傳舞台劇《野玫瑰之戀》，焦媛話今次個劇會喺郵輪演出，可以開拓多個場地演出都係好事。

至於早排有網民惡搞高皓正出席基督教講座，高皓正反而笑住讚網民有創意話：「我嗰陣去咗沖繩旅行，有朋友睇到問我要唔要澄清，其實張海報本身有好多漏洞，睇得出係假，所以唔使特登澄清都知係假嘅。」