當年今日
關於我們
關仁隱事:「高瘦平」玩變臉 「懵豬」難頂 - 關仁
蘋果日報 2008/11/08 00:00
「高瘦平」同「懵豬」拍咗十幾年拖,咁多年都好似好穩定,點知失驚無神公佈分手,唔少人都覺得幾可惜,但係關仁聽唔少人講其實高瘦平同懵豬一齊咁耐,好早已經有分歧,除咗因為兩個人嘅個性同生活習慣好唔同之外,懵豬最頂唔順係高瘦平近年沉迷喺變臉同換膚上,搞到自己個樣越嚟越唔同。
酒後吐真言
懵豬就曾經喺酒吧同朋友飲大兩杯之後,酒後吐真言大爆話自己好怕見到高瘦平嘅真面目,有時真係覺得好惡頂。講到呢點關仁都幾明白懵豬嘅心情,因為有時睇電視雜誌見到高瘦平素顏真面目都幾嚇人,何況係懵豬瞓喺佢隔籬!
Textby關仁