地產多聲道：君頤峰美孚設站捕隱形富豪
蘋果日報 2003/07/31 00:00
美聯物業噚日喺美孚新邨三期，搞君頤峰諮詢站分行開幕禮，專門負責推介同安排睇樓，成班代理着晒近排大熱嘅波衫出場搶鏡。
蘭西奇怪，君頤峰話晒都係豪宅，為乜喺老遠嘅舊式屋苑設站，加上各分行已經做緊介紹同安排睇樓嘅服務。原來所謂諮詢站只係借題發揮，趁機做吓宣傳，專登揀同屬新世界發展嘅美孚新邨，𠱁得新世界何伍燕榆好開心，着短裙套裝都肯作狀踢波影相。
話說何太第一個負責開賣嘅樓盤，就係美孚新邨，重話呢度住咗好多隱形富豪，相信唔少住客有興趣買君頤峰。
呢個具指標性嘅豪宅，今日公布售價。喺美容界響噹噹嘅蒙妮坦董事長鄭明明﹙圖二﹚，繼日前率先預留一個1130萬元單位後，噚日又再預留多個二座三十樓B室相連戶，成7600蚊呎，預留價成1905萬，兩日內連擲成三千幾萬入市。何太講，到噚日為止，已經有二十幾個單位被預留，起步唔錯。
遊艇發燒友遷入匡湖居
香港置業西貢分行營業經理陳立鴻話，一名住喺港島東區嘅遊艇發燒友，擁有遊艇多年，一直都喺西貢租泊位，次次出海都要舟車勞頓，最近索性喺匡湖居搵樓，但指定要附有船位。終於用六百八十五萬，買咗二期D段雙號屋，一千八百八十五方呎，三房間隔，重有一千呎花園、車房同最重要嘅船位。
蘭西奇怪，君頤峰話晒都係豪宅，為乜喺老遠嘅舊式屋苑設站，加上各分行已經做緊介紹同安排睇樓嘅服務。原來所謂諮詢站只係借題發揮，趁機做吓宣傳，專登揀同屬新世界發展嘅美孚新邨，𠱁得新世界何伍燕榆好開心，着短裙套裝都肯作狀踢波影相。
話說何太第一個負責開賣嘅樓盤，就係美孚新邨，重話呢度住咗好多隱形富豪，相信唔少住客有興趣買君頤峰。
呢個具指標性嘅豪宅，今日公布售價。喺美容界響噹噹嘅蒙妮坦董事長鄭明明﹙圖二﹚，繼日前率先預留一個1130萬元單位後，噚日又再預留多個二座三十樓B室相連戶，成7600蚊呎，預留價成1905萬，兩日內連擲成三千幾萬入市。何太講，到噚日為止，已經有二十幾個單位被預留，起步唔錯。
香港置業西貢分行營業經理陳立鴻話，一名住喺港島東區嘅遊艇發燒友，擁有遊艇多年，一直都喺西貢租泊位，次次出海都要舟車勞頓，最近索性喺匡湖居搵樓，但指定要附有船位。終於用六百八十五萬，買咗二期D段雙號屋，一千八百八十五方呎，三房間隔，重有一千呎花園、車房同最重要嘅船位。
繼英超聯球隊利物浦嚟港，帶起足球旋風之後，另一支足球勁旅西班牙皇家馬德里又即將來港，吸引市民通宵排隊買飛，成為全城熱話，連發展商都借題發揮。
九龍倉已經嗱嗱臨將尖沙嘴擎天半島其中一個示範單位，變身成以皇家馬德里裝飾做主題，配合呢股足球熱潮，認真轉數快。
早排小說哈利波特熱賣，永泰亞洲同太古地產，就以送最新一集哈利波特做宣傳。睇嚟發展商賣樓，除咗鬥價錢同優惠之外，都要緊貼市場脈搏，鬥快配合搞宣傳攻勢，吸引買家。
新地都未知幾時賣嘅鴨脷洲深灣軒混合式住宅，已經有代理行話，歡迎買家預約參觀，重免費提供預留服務，行動重快過發展商。
新地下一個開賣嘅新盤，最大機會係何文田農圃道18號。深灣軒就要同政府講掂數，批准以私樓形式發售先賣得。不過，樓盤喺銅鑼灣世界貿易中心嘅示範單位，已經準備就緒嘞。
蘭西
電郵地址：
鄭明明
九倉緊貼城市熱潮，將示範單位布局以皇家馬德里裝飾為主。