當年今日

  胡國興明廢六張選票 - 李八方

蘋果日報 2002/01/07 00:00


昨日搞嘅選舉委員會補選,未到夜晚九點就出晒結果,效率好過立法會選舉好多,選管會主席胡國興高興到眉飛色舞,話噚日發現嘅六張廢票係「明廢」,唔係「懷疑地廢」,所以點票點得更加快。不過,點票點得快,好大關係因為啲票少,投票率咁低,想結果遲啲出都難啦!有行家問胡官,咁嘅形勢究竟孰喜孰悲呀?胡官被問到有啲尷尬,惟有話做選舉呢啲嘢,唔需要又喜又悲嘅。
有人又質疑既然投票率咁低,下次不如唔好補選啦,況且選邊個出嚟,對特首選舉都冇乜影響啦。胡官就唔多同意,佢話:「唔通有警察企喺條街,你見佢冇乜嘢做,就話不如唔好要警察,全香港警察都浪費公帑咩?」諗真啲,又好似有啲道理喎。


E-mail:[email protected]