今晚喺紅館開騷嘅林敏驄，喺開騷前發生冧台事件，表演嘉賓之一嘅梁漢文，今日接受《蘋果》訪問，佢話：「多謝關心，我離開咗喇，今日我係3點到3點半嗰陣去綵排，我排完我自己隻歌同埋《全力扣殺》嘅一班演員嘅嗰部份，就已經返咗屋企，我啱啱都係返咗屋企，睇新聞先知，我聽到話有10零個人受傷，希望佢哋冇事喇，我仲聽到話蔡一智有受傷，好似傷咗條腰，不過未確實，希望佢冇事！」

而師兄劉浩龍則於意外時已經綵排完離開紅館，師兄話：「多謝大家關心，我冇事，自己都了解當中，希望唔好有人受傷，如果不幸有人受修，都希望唔嚴重。」