雖然正值國際賽期，不過英超球隊都繼續練習，好似轉會窗最後一日先由李斯特城加盟車路士嘅英格蘭中場真禾特，因為冇份代表英軍，所以周一就跟隨車仔大軍練習，亦都同新隊友好似泰莫爾巴卡約高、大衛雷斯咁建立下默契。

咁啱車路士周六聯賽就要作客李斯特城，飲水哥以目前狀態，加上車仔兵源不足，都好大機會列入大軍名單，幫車仔地標戰就要倒戈母會，飲水哥真係情義兩難全。