東方上季在ABL和甲一聯賽失利，今季大刀闊斧換帥易將，副主席游永強明言今季班費過千萬，球隊上下矢志重登冠軍寶座，「今年目標好簡單，就係重奪失落咗嘅冠軍。球隊新教練白蘭特年輕、打法進取，佢對球員要求相對高，注重個別球員發展，上年聯賽後段艾利諾傷出後，我哋只靠本地球員爭啲，所以除ABL靠外援，其他球賽一定要提升本地球員水平。」東方今季得ABL冠軍功臣張文平回巢，由於他為台法混血兒，游永強解釋正與ABL商討他以本地球員身分註冊，他指成數超過一半，申請結果下月將有定案。
社會動盪，不少本港主辦的國際體育賽事先後取消，ABL下月開季，游永強認為主場賽事可如期舉行，「我未考慮後備方案，ABL仲有一個月先開季，加上修頓裝修，我哋開季前幾場都係作客，當然我哋會密切留意情況，以球員、球迷安全為最主要考慮。」李琪則透露：「假設真係用唔到修頓，都有機會返佛山。」
新一季ABL預計在下月中開鑼，賽會今日（10日）舉行季前發佈會，宣佈詳情。值得留意的是，台灣球隊富邦勇士加盟ABL聯盟，預計競爭將更為激烈。
記者：許嘉明、洪量丰