吳綺莉（Elaine）、張文慈（Pinky）、黎燕珊與鄧鉅明夫婦等今天於灣仔出席腕錶發佈會，Elaine透露正籌備搞生意，並繼續為畫展畫畫，她說：「舊年已經話會開畫展，而家只係畫咗3幅，起碼要畫20幾幅，有排。最大問題係以前畫畫唔使諗咁多，鍾意畫所以畫，可以隨心，到開始有要求就唔知自己畫乜，有壓力，諗完企咗喺度，隨緣啦。」

提到她跟女兒卓林的關係，Elaine說：「經一事長一智，人要進步，成件事經歷，從中學習，我嘅圈子，見人較少。」問到有否保持聯絡？她說：「盡做、盡講，係有留言，佢有睇。」再追問卓林有否回覆？Elaine說：「隨緣啦！我而家學到嘢，以前我會好急，會問點解仲未覆，而家會諗，佢係咪有嘢做呢？要顧吓人哋感受，朋友叫我要學做小鳥，小鳥依人，雖然我咁大隻，佢大個喇。」問到會否很失望？她說：「我學習緊，每次失望，都要企喺人哋角度睇，可能佢好忙呢。」提到之前指卓林跟另一半已分手，Elaine說：「唔清楚，唔問太多。」

另外，今日在活動上，宣佈鄭明明與沈慧林的鐘錶品牌合作推出陀飛輪腕錶，鄭明明感謝沈慧林與金鈴的邀請，這也是她美容集團55周年的慶祝活動之一，她透露今次腕錶的收益將捐作慈善。

而鄧鉅明夫婦在昨天父親節剛到東莞參觀有機農莊，鄧生指在港有一塊6萬多呎的地，可作耕種用途，他們已計劃將地用作有機耕種，鄧太說：「遲啲可以耕田，學番舊時嘅人嘅生活，係好開心嘅，已經同啲朋友講，種出嚟會同大家分享。」鄧生指兒子正在英國讀書，未能趕回港慶祝父親節，但他已收到兒子的心意卡，鄧生笑說：「我嘅夢想係想收到阿仔送嘅house。」鄧太卻指不會給兒子壓力，並謂自己常到英國探望兒子，鄧生則愛留在香港，更指香港人很幸福。

Pinky指自己曾經擁有10隻手錶，但近年已甚少收藏，她又指現時對身外物不聞不問，是名慳妹，更謂健康最重要，問到這麼慳家，會有更多人追求？她說：「我好易追㗎，快啲嚟！」Pinky又指有追求者，卻嫌對方太年輕，又希望嘗試speed dating，她笑說：「未試過，都想試吓，之前試過喺facebook識咗個鬼佬，佢話係行船嘅，我哋仲有寫情信㗎，不過佢叫我寄錢去佢戶口，真係好似騙徒。」黎燕珊指最近正補拍《法證先鋒IV》，爆湯洛雯顯得緊張，而大家要穿上冬天戲服，加上天氣多變，過程有點辛苦。

-----------------------------
你撐蘋果 我捐$1
支援反送中抗爭者