夠Car事:換個火辣聖誕轆
聖誕節普天同慶,有街去有拖拍嘅,點都要襯番一身聖誕Look湊熱鬧。但有無諗過你部愛車,亦可換番套聖誕「轆」應吓節,火樹銀花金光白雪乜都有,有型又有款,令到呢個回暖X'mas更加火辣辣。
記者:徐影龍
攝影:譚盈傑
Model:
[email protected]鳴謝:力生膠輪(26159565)
揀軨款好個人,自己鍾意就得,但背後都有基本「通識」,否則買錯輪圈裝錯車就無癮。輪胎專門店老闆朱生話,輪圈結構可分為OnePiece(一件過)或夾軨(組合式),後者好處係Offset位造得較好,款式及顏色亦更多樣化,當然售價亦較高。物料方面,仍以鋁合金為主,近年亦開始有鎂同碳纖出現,優點係更輕及更硬,但價錢足足比普通鋁合金軨約貴8-10倍,所以香港較少見到。至於揀軨,除咗款外,仲要注意「Disk」位,即輪軸跟輪圈的接合位,偏外同偏內都好唔同,尤其一啲裝咗勁大「鮑魚」嘅改裝車,Disk位太淺就會頂住套卡鉗。
軨同胎扮演嘅角色好唔同,胎一定係咬地去水為主,無型兼無款,但軨就啱啱相反,夠硬夠實淨係唯一條件,款式出位先最重要。今日就搵嚟力生嘅朱生,為大家介紹番幾套至型輪圈,應番聖誕節,打頭陣有火紅為主嘅輪圈,不過全紅太普通,呢兩款就適量襯番銀同黑,整體更有氣勢。
■Audi架改裝Q5幾有戰意!你都可襯番套火紅胎軨應吓節。
全場最貴一款輪圈,由美國設計日本製造,廠商鍛榮社專攻拉利、波子等高價改裝配件,用上DiamondCut技術及歐洲鋪膜式「力架」,高貴但不俗氣,而且全部訂造無現貨,所以Disk位亦可造到Fit你部戰車為止。
AutoCouture22"三夾軨每條約$25,000
Riverside專攻改裝配件,呢款亦係09最新型號,採用三夾式,所以玩到頭尾軨唔同Disk位深淺嘅效果,感覺更有深度。
採用最高工序三夾式裝嵌,中間Offset位造得更靚。
耀眼金光
VolkRacing20"兩夾軨每條約$6,000
中間位採用鍛造技術,款式雖舊,但廠方沿用經典設計,早排再重新壓製,負重量變得更高。
以Racing為主,呢款嘅柱位全部用上HighDisk式樣,擺明歡迎大號鮑魚。
閃亮銀白
WedsSport20"每條約$5,000
銀色太普通,立立令嘅電鍍銀先夠搶眼,柱位設計似星又似花,靚得嚟夠襟睇。
唔想咁Colorful,玩白色聖誕Feel都咁有氣氛。款式偏向Sporty,Disk位亦足夠遷就大鮑魚。
唔同阿爺年代嘅生鐵或鐵皮軨,家陣鋁合金軨已經唔會太重,不過日本「鍛造」技術仲厲害,將金屬大幅壓縮至約原來體積嘅1/5,密度高咗硬淨咗,但保持輕盈。以相中胎軨為例,18吋軨僅重7.5kg!