當年今日

  老董祝捷會有得分? - 李八方

蘋果日報 2002/03/03 00:00


老董星期四自動當選後,未有大鑼大鼓慶祝,不過咪以為佢會唔聲唔聲算數,原來競選辦一早定咗下個禮拜二(即十二號)喺灣仔會展舊翼展覽廳舉行「答謝各界人士茶會」,除咗多謝有份提名佢嘅選委同各界支持者外,連一啲冇份提名佢嘅民主派選委都有收到請柬。
有選委老友同八方講,老董今次印咗二千幾份請柬,估佢起碼要請到二千人左右到場先似樣。八方睇番月曆,唔少支持佢嘅人大、政協到時正喺北京開會,老董搵呢個日子即係想佢哋唔到啫!
但老友話,莫講話北京飛返香港機票只係幾千蚊,就算要幾萬蚊,都有人會仆返嚟,等董生睇多兩眼,認清佢哋個樣,他朝話唔定可以撈番個乜嘢金、銀、銅紫荊荷蘭水蓋,或者分番乜嘢工程,就值回票價啦!
﹙圖﹚今次部分冇提名阿董嘅民主派選委都收到請柬。


E-mail:[email protected]