當年今日
關於我們

【跑道特色】
想捧外檔馬?咁你就上當

蘋果日報 2015/04/14 05:20

勝利威跑道特色故事摯友無敵尚華盛甲綠草如欣飛哥

禮拜三谷草用B跑道,估計場地掛牌為好至快地。睇番2月11日谷B欄亦係以好至快地作賽,結果大利內叠前置馬,當晚九場賽事由一至六檔包辦所有頭馬,當中「尚華盛甲」及「飛哥」放頭入直路帶到,另外「勝利威」及「摯友無敵」守貼欄包廂位建功,所以具前速之內檔馬可以優先留意。
今戰列陣馬中,第五場「綠草如欣」上仗正是於谷B欄贏馬,勝後等番同一移欄再上陣,仲要抽埋三檔好位,有機會再下一城。另外,第二場「故事」兩次角逐谷B欄攞到一W一P,前領馬重返強項應可坐位望贏。