當年今日
關於我們

UPS寄失文件 職員被指卸膊

蘋果日報 2007/11/08 00:00


卓女士兒子於加拿大留學,早前返港後委託友人將一份學校文件郵寄回港,友人遂於9月28日透過UPS加拿大送件,費用58加元(港幣約481元),原本三數天可送到,惟直至10月中,信件仍未見蹤影。
「我個仔可能要用嗰封信嚟辦簽證,點知等極都冇,問UPS香港,佢哋淨係識得話查緊,仲叫我哋自己向加拿大嘅UPS問;佢搵唔番份文件,仲叫個客自己問,將啲責任推晒畀人,服務好唔妥。」卓女士氣憤地說。
UPS香港回覆,該公司接獲卓女士查詢後,即時展開全球式搜索及跟進。惟經連日搜索,UPS香港及加拿大兩方面均未能成功確認郵件位置,故郵件當作「失件」處理,並按程序賠償。
該公司解釋,UPS香港及加拿大雖然使用同一追蹤系統,但為免電腦系統出現延誤阻礙跟進過程,通常會在緊急情況時雙管齊下,以便第一時間得知郵件下落,故該公司香港區客戶服務中心職員除展開全球跟進及支援外,同時建議卓女士聯絡加拿大客戶服務中心職員作進一步查詢,事件相信是客戶服務員與卓女士溝通上問題,令她誤會該公司拒絕協助跟進。
本報於截稿前向卓女士查詢賠償進展,她卻表示剛於11月初收到該封信件,「成個月後先收到,都冇意思啦,我個仔都返咗加拿大,我哋會係加拿大嗰邊再索償。」
檔案編號:1008021