在宣佈參選當晚即遇襲、當選觀塘月華選區區議員的梁凱晴，不但深得香港「連登仔」喜愛，同時獲日本傳媒高度關注。對於網民封稱的「港版綾瀨遙」外號，她笑言：「網民實在太抬舉我喇，有啲好似貶低咗綾瀨遙嘅感覺。」她形容自己「只係普通女仔」，可能因為香港的女性從政者較少，較易引人留意，對此她覺得「有好有唔好」，最希望當然是大眾着重其地區工作和理念。

既然深受「連登仔」愛戴，梁凱晴會否與「連登巴絲」connect？她指自己一直有連登、高登的戶口，只不過沒有覆文。有關不少人留意到她喜歡英超球隊曼聯，因此引起非曼聯球迷「好大反應」，梁凱晴打趣指，自己只是支持一支隊球，大家毋須「割席」，笑謂：「唔好因為球隊就分化。」

中學時代的梁凱晴曾經加入少年警訊服務團；畢業於嘉諾撒聖瑪利書院的她是律政司司長鄭若驊、行會成員羅范椒芬的師妹，對於鄭若驊這位師姐，梁坦言「完全失望」，譬如修例一事上，不同界別人士都曾建議當局完善《逃犯條例》修訂，可惜「佢（鄭）完全冇聽到意見，就一味話係唔可行」，「其實係咪真係冇彎轉到呢個餘地呢？佢一路都好似林鄭咁樣唔聽民意。」梁續指，「我哋學校就係要『一心一道』嘅教訓，佢（鄭）完全做唔到一個榜樣畀其他師妹」，如今只能奉勸師姐問責下台。

記者 呂浩然

-----------------------------
【民陣國際人權日遊行】
日期：12月8日
時間：下午3時
地點：維園遊行至遮打道
主題：守護香港．和你同行
＊不反對通知書申請中
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
無懼警暴 學懂自救
《抗暴之戰●法例須知》讀果 上架
-----------------------------
【撐學生】
召集有心人 撐學生全年睇《蘋果》
立即按此