【武漢肺炎】太古城明宮閣睇樓客即刻縮沙 代理:「就係唔睇嗰一座!」
太古城
太古城物業管理有限公司於今天(2月16日)下午接獲衛生署通知,太古城明宮閣高層一名住戶確診感染新型冠狀病毒肺炎。消息令睇樓客即場縮沙。
中原地產曾柏賢表示,其分行有一組睇樓客原本約定今日下午3時參觀明宮閣一個高層3房單位,叫價1,450萬元,「唔係特別平,唔係特別貴」,屬鎖匙盤,單位已交吉,但該組睇樓客得悉該廈出現一宗新型肺炎確診個案後,「聽到,就唔過嚟睇!」不過該組睇樓客有參觀太古城其他座數的放盤,「就係唔去睇嗰一座(明宮閣)!」至於上述放盤的明宮閣單位業主,「業主已知道消息,佢都係畀人照睇樓,照還價。」
市場消息,太古城明宮閣一個高層單位,實用702方呎,上周以1,418萬元成交,成交價較中銀及東亞網上物業估價1,396萬元,高22萬元或1.6%,但較滙豐網上物業估價1,610萬元平192萬元或13.5%。有業界人士認為,這單成交價是「好價」,未知該廈證實有一宗確診個案後,成交會否受到影響。
中原地產剛公佈,十大屋苑本周末錄得8宗成交,較上周多1宗或14.3%,4個屋苑錄得零成交。中原地產太古城區資深區域營業董事趙鴻運表示,太古城本月暫錄得11宗成交,本周末錄2宗交投,宗數與上星期一樣。新近錄成交為南海閣極低層A室,實用面積530方呎,成交價980萬元,實用呎價18,491元。
-----------------------
屬於香港人的移民攻略
立即登入
【全球樓行】 Dream House零距離