【2013動漫節】宅男女神陳妍希和許亦妮昨日分別出席灣仔動漫節，陳妍希為代言手機遊戲造勢，她密實造型不及谷胸許亦妮，但現場論人氣，妍希BB吸引約二百名途人圍觀，女神出馬，魅力無法擋，她又講廣東話冧粉絲。
妍希BB即場和廣告商老闆一起玩game，自言愛打機的她玩得投入，問她為何不以廣告中的cosplay造型撐場，妍希BB說：「大家廣告中都睇過，拍廣告係第一次着，唔介意性感，造型好睇就接。」妍希BB自爆曾被助手整蠱化米妮妝，為她作生日驚喜。

許亦妮昨與翟威廉等出席無綫J2動漫節宣傳，自爆真空上陣，她表示不介意性感：「最緊要靚，我好安全貼晒膠紙。」𡃁模為出位，騎呢搶鏡，許亦妮不屑說：「呢啲個人喜好，我自己接受唔到。」

此外，翟威廉在無綫劇《衝上雲霄II》扮機師，他表示和前輩合作獲益良多，更和吳卓羲成為老友，對方可有教他媾女？翟威廉說：「呢啲唔使學啦！」
採訪：卓寶花
攝影：陳俊強

【動主播召喚 敢你就來】
立即報名： http://anchor.nextmedia.com