因出演韓國選秀節目《PRODUCE 101》而出道嘅男團Wanna One人氣現時爆晒燈，佢哋下周二同下周三將會喺香港亞博館舉行粉絲見面會，當中主辦方面早前就公佈見面會福利詳情，粉絲要喺指定時段報名才可以有機會獲得福利，並以先到先得形式獲得，相關詳情請留意主辦嘅網站 http://bit.ly/2xwOVio 。

不過前日主辦方就指3號活動一(與Wanna One擊掌)及活動二(Wanna One簽名照、CD、海報)嘅名額已迅速超額完成，但卻即時惹來大批粉絲不滿，唔少粉絲都喺主辦嘅Facebook留言炮轟，指登記過程有欠透明度(相關新聞連結 http://bit.ly/2yNaaL4 )。

而唔少粉絲就向本報投訴，繼續指控主辦方嘅做法，又指曾經向主辦方反映問題，但就遭到刪帖封帳號，留言同時亦質疑主辦方有黑箱作業之嫌，粉絲希望主辦能增加透明度，及給予粉絲合理交代。

對於粉絲嘅投訴，主辦方就回應話：「對於不是事實的事情不作回應。」