又嚟大晒兵力!沈集成最肉緊都係潘頓嗰隻
潘頓大武士沈集成
大武士操完返抵機坪,潘頓(左二)馬上趨前向沈集成(左一)匯報。
今朝(22日)排位日,不少賽程馬進行快跳,精彩鏡頭此起彼落。
華倉以沈集成馬房最大動作,參戰馬中,潘頓策騎第八場「大武士」單試800米、而第五場「動力飛鷹」蔡明紹夥拍第四場「華麗再現」梁家俊拍跳800米,三駒均安排遣往千八米草地出試。
而潘明輝替第七場「雲信凡高」考驗,第二場「金湶德」則由新十磅仔見習生黃俊過檔,兩駒均往大跑道各自單試800米。
上述各駒大約7點左右,同時間在飛機坪沙圈踱步熱身,騎師在上馬出試前,倉主成哥分別向他們面授機宜後,立即趕往烽火台頂樓舉鏡睇實各匹戰馬出試過程。
而當各對人馬試罷回程時,只見掌舵人由烽火台匆匆折返沙圈接馬,逐個追問走勢,動態極為肉緊,睇嚟此路人馬攻勢仍會持續。