當年今日
關於我們

【韓流】敏雅心口離奇有漬 唔通係炸雞啲油?

蘋果日報 2015/03/28 06:00

蘋果香港即時Girl'sDay敏雅我也是女人音樂節目

韓國女團Girl'sDay成員敏雅,最近頻頻曝光宣傳單飛主打歌《我也是女人》,佢演唱嗰陣仲要超投入擘髀跳舞,動作誘人,睇到粉絲嘩嘩聲。

不過敏雅前日演出音樂節目《M!Countdown》時就慘慘豬咯,成為網民笑柄。

事緣當時敏雅着咗件露香肩嘅紫色衫出場,遠睇好索,點知個鏡頭影埋去,點解?點解?點解胸口位置離奇多咗撻漬㗎?好礙眼囉!不過敏雅似乎唔知當眾出醜,繼續表演。

事後引來網民猜測,有人估計可能係敏雅飲水時留下嘅水漬,亦有人好抵死咁話:「會唔會係佢食炸雞時滴咗啲油呀?」