【九捷一代「神駒」】專殺頂級馬！有次爆冷 馬主贏到收支票
蘋果日報 2019/07/28 11:16
爆冷馬主日月神駒收支票九捷頂級馬
馬場被喻為遍地黃金
1998年5月16日，一代星級馬「日月神駒」（服役九捷）當時四歲，跑呢場之前，只在打吡預賽快放偷雞跑個第二，輸畀當年打吡冠軍「告魯夫」。
「日月神駒」呢場跑1400米佩恩騎，有10倍，沿途放頭走之下就咁一放到底贏兩個馬位，好開心！
最深刻就係2000年，「日月神駒」年頭爭跑馬地一月盃，初跑1650米，掛頭牌負131頂磅，又係用以住贏馬放頭跑法，最後一放到底影贏簡sir嘅「實業家」，年尾就喺國際賽日一班贏馬。
隻馬次次贏親都好分，身邊人應該會贏到錢囉，答案係「冇」，因為佢每次贏都唔睇好多人睇好，咁馬主就當然會有例飛啦，買幾多就唔太清楚，只係知道有一次贏尾場，馬主去咗等收支票。