【逆權運動】目睹克警車廂狂毆乘客 速龍事後自拍 市民斥：仲係紀律部隊？
蘋果日報 2019/09/02 00:01
中大太子站速龍小隊逃犯條例移交逃犯送中條例引渡惡法反送中
前晚8.31港鐵太子站車廂，乘客被警察襲擊抱頭痛哭，場面令人震驚，Joshua就在旁邊稍遠位置目擊事件。他指當時非常憤怒，但擔心反抗會令警察更殘暴，只能被動抵擋。當列車關門駛走一刻，很多車廂乘客放聲大哭。他聲稱，列車駛離前，隔着車門見到一位速龍小隊警員在月台舉起手機自拍，「佢喺度對住車廂自拍，又影太子站嗰兩隻字，我覺得有冇可能呀？你濫用暴力入嚟打完人，仲要自拍炫耀自己所做嘅行為，我覺得係唔可以接受。」
記者：潘柏林、李詠希
8.31晚上約10時50分，列車關門駛走一刻，很多人放聲痛哭，Joshua斥警方濫暴猶如黑社會，「佢哋同黑社會冇分別，同7.21嗰班鄉黑冇分別，佢可以濫用任何權力，入嚟毆打、入嚟拘捕所有嘅市民，佢哋仲係有紀律嘅部隊咩？」他批評港鐵配合警方關閉車站，令警察衝入車廂打人，「令到市民無路可走、無路可逃，全部乘客都係好無助。」他質疑，警方根本無法分別誰是示威者，「示威者變裝只係需要很短時間，可能一兩分鐘佢已經換晒衫，除晒佢啲裝備，當警方入到嚟，佢點樣去分？」
另一位在場目擊市民阿健指，警方聲稱到場因為車廂內發生衝突，但警員衝到月台時，並沒有去發生衝突的觀塘綫列車車廂，反而轉去另一邊荃灣綫列車追捕黑衫市民，「我視線就見唔到佢哋跑去有事故嗰邊。」他認為警員有意識追向黑衫、黑口罩人士。
另一位在場目擊市民阿健指，警方聲稱到場因為車廂內發生衝突，但警員衝到月台時，並沒有去發生衝突的觀塘綫列車車廂，反而轉去另一邊荃灣綫列車追捕黑衫市民，「我視線就見唔到佢哋跑去有事故嗰邊。」他認為警員有意識追向黑衫、黑口罩人士。
阿健當晚由荔枝角坐港鐵往中環，晚上約10時50分抵達太子站，「一開門就好多人衝入車廂，好唔尋常。一睇就見到對面綫（觀塘綫）有玻璃爆咗、有人噴滅火筒。」情況擾攘約3、4分鐘，港鐵開廣播叫乘客離開，他便和其他人落車，但已見到大批速龍由樓梯「衝落嚟」。
阿健稱，警員起初直接衝向荃灣綫往中環方向列車，自己見速龍到荃灣綫車廂打人，他與很多人在雨傘後躲避。至晚上11時03分，他在列車上聽到有人呼救，車廂內見到至少3名傷者，「一個被好多人圍住，另外兩個就流晒血，有個着白衫坐喺地下成頸血，第二個就着綠恤衫被人打爆頭，我幫手遞紙巾，聽到佢講話自己只係經過。」他在協助傷者時，列車突然關門，直接開往油麻地。此時，防暴警察仍在月台不斷按動緊急停車掣，嘗試剎停列車。
Joshua前晚目擊警察衝入車廂打人，他在車門關上後，用手機拍攝警方拘捕月台市民情況。王子俊攝
Joshua聲稱，有速龍小隊警員用手機自拍和拍攝太子站標誌，但他未能拍攝自拍一刻。
受訪者提供相片
據現場急救員稱，共有3人被扑穿頭，止血用品不夠，其後要用「M巾」止血。
受傷乘客相擁痛哭。
警方見列車駛走，仍不斷按緊急停車掣。
阿健指警方衝入太子站最底層月台，率先追捕黑衣人。