【李八方online】九西建制女惡鬥 鼠王芬喺老巢搶元秋風頭
梁美芬元秋李八方
梁美芬喺九龍城區議會紅磡冧露台積極發言,呢鋪成功K.O.冇得喺立法會就此提緊急質詢嘅元秋。梁美芬Facebook圖片
八方早前報道過,政界元秋民建聯蔣麗芸打算喺聽日立法會大會就紅磡冧露台提出急切質詢,民主派完美示範對事不對人力挺元秋。點知,都係過唔到立法會主席梁君彥嗰關,身為梁君彥黨友嘅經民聯梁美芬就醒目喇,唔喺立法會跟進,返去老巢九龍城區議會積極發言,唔畀同樣係九西女將嘅元秋搶晒鏡!
元秋上周五喺內會要求提出急切質詢,幾位民主派議員包括同元秋同區嘅無政黨劉小麗、毛孟靜都聲援,但集各派元氣支持下,梁君彥都對緊急質詢say no,搬出《議事規則》話急切質詢要「性質急切」同「與公眾有重大關係」,雖然元秋提出嘅事受傳媒廣泛報道,公眾亦好關注,但未至可以提出嘅程度喎。
呢頭元秋食白果,嗰頭梁君彥黨友梁美芬就喺九龍城區議會出招,就此狠批屋宇署,強調要重啟樓宇更新大行動,之後喺Facebook圖文並茂,絕對唔好睇少呢場九西建制女惡鬥!