（上回：【收市閒情】公屋富戶　遇上公屋伯母
http://hk.apple.nextmedia.com/realtime/finance/20140806/52768923）

住公屋，至少有三大特徵：鍾意揸Cash、屋企堆積太多雜物、愛炫耀。

第一特徵，因為租金太平，好自然就會有Cash，但我真真地是金融財俊，又是社會特權階級公屋富戶，總要顯出一點點不同。幾年前，在舊女友教導下，我學會了買一件丟一件的道理，之後開始享受公屋近乎完美的實用面積及間隔，最近讀到網絡才女千頌C寫私樓新盤嵐山的177呎，我哈哈哈的笑了，私樓喎。

我雖低調，但愛炫耀的習性，還是改不了。早上返工，我不會跟一般金融才俊一般見識，到LGB買杯咖啡，我認為，早餐，識食一定食茶餐廳，我習慣到皇后大道中附近的一間樓上茶餐廳食早餐，嘆一杯茶走，因為這令我感覺跟香港的脈搏最「inline」，不致成為IFC殘廁嘆咖啡的「離地中產」。

有一朝，我如常食完早餐施施然經恒生返IFC，路過LGB，看到排頭位的是位有有「九頭身」的美女，我借意打量了一回，再走近一點，原來是表姐，她不是個作家、不用朝九晚五嗎？為何不好好睡一覺，反而晨咁早過海到IFC飲咖啡？前世未逼過地鐵？

她在手袋裏左找右找好一會兒也還沒付錢，本來，我想代她找數，怎料，有位排在隊尾的男士，忽然打尖，跑到表姐身旁，替她找數，哦，原來他是Marcus，表姐認識Marcus的嗎？

待他們Flirt完一輪，Marcus走了，我才跟表姐打招呼，表姐問：「Chris，咁啱撞到你嘅？」「唔好講呢筆住，LGB呢個時空唔係執咗哩咩？點解又開返嘅？時光倒流呀？」

表姐一面不屑地答：「好似係為咗等某個才子同一位才女，可以營造邂逅背景，特登開番嘅。」我呢位表姐，外人稱佢做D小姐（高明按：Chris大大放料時要求，由於蘋果財經新聞太多人睇，唔好開佢表姐全名，因為佢表姐係著名才女作家，為尊重放料人，在此以D小姐稱呼），對住外人會好chok咁講terms拋書包，但對自己友，就會有呢種幽默。

「乜你識Marcus㗎？」等唔切表姐答，她已說，「今日趕時間，你都要返工啦，第日再講。」

過幾日，表姐打嚟約食飯，在她面前，我只是一隻聽話的牧羊狗，「就去君悅食啦，我啱啱拎到張VIP卡。」表姐再問：「咁你篇文開頭話公屋人士有三大特徵，你愛炫耀咩啫？兜咁大個圈都未講嘅？」「Err，惟有下期食飯先講啦。」

by偶像派財演高明@堆填區
http://fb.com/winbigwok