新車速報：
新包圍豐田Echo慳油熱賣
蘋果日報 2004/10/08 00:00
日前，汽車用燃油突破12元關口（每公升12.01元），相信油公司會陸續加價。若然想買車的話，係時候要考慮用車的耗油量，除非你選擇係高性能房跑車，又或者是多用途MPV及SUV車，否則以日常代步的話，筆者定必推介細車一族。其中曾熱賣好一段日子，用上一台VVT-i引擎口碑不絕的豐田Echo，最近代理便新引入多款跑車配件，大可將一部代步CityCar搖身一變成勇悍小辣椒，既有賣點又慳油好力，確實值得考慮！
記者、攝影：陳偉林
記者、攝影：陳偉林
豐田Echo面世多時，市場仍維持一定銷量，皆因佢有一副不落俗套又圓渾時尚的外形，而且尺碼適中好啱日常代步用。代理新近引入原廠包圍套件，既有齊前後擾流器，又有車身兩旁裙腳、車尾頂置定風翼，加上原有四輪14吋合金胎軨組合，再配合特大頭燈配搭，一望就知係慳油Echo，形象鮮明。
麻雀雖小，但座艙卻出乎意料咁闊落舒適，加上前後兩排真皮鑲嵌座椅，既富質感又軟滑貼服，難得半皮半電鍍波棍的別具跑意，匹配埋三幅式真皮跑車軚環有不俗手感，最緊要係轉向夠輕盈利落！設備方面，唔少得有原廠冷氣及高級CD音響組合，加上前後獨立房燈，還有多個雜物匣備用，貫切實用一族的要求。
原車用上一台1.3公升直4VVT-i引擎，雖然輸出數值唔算好突出，但就勝在平均，有助起跑加速，加埋車體淨重量有限，更有助減低燃油耗量。車身底盤結構穩紮之餘，四輪吸震表現亦柔韌有力，令轉向變得靈敏兼易於操控感，難得制動反應同樣表現收放自如，代步自然升任有餘啦！
■車廂鋪排簡約富時尚氣息，重好有時下CityRV車風範。
■半皮半電鍍波棍賣相吸引，難得手感突出。
■表板旁另備門邊電鏡開關，還有Coins匣等組合。
■一體式中控台有齊原廠冷氣及高級CD音響外，還有杯座及兩旁雜物匣配搭。
■兩排座椅空間異常闊落，好有家庭車舒適觀感。
■雙體式大型首飾箱間隔分明，觸手可及。
■後排左右椅背可以平放存放行李。
■細車Echo的載物量出奇大。
引擎：1299cc直4DOHC
馬力：86ps/6000rpm
扭力：12.4kgm/4400rpm
傳動：5前速手波，前輪驅動
懸掛：（前）麥花臣支柱（後）扭力連桿
制動：（前）透氣碟（後）鼓式（ABS）
輪胎：175/65R14BridgestoneB391
尺碼：3640×1660×1500mm
軸距：2370mm 車重：855-985kg
平均耗油：23.5km/L（日本10.15模式）
車輛提供：皇冠汽車（23054555）
■原車用上一台1.3公升直4引擎，內附VVT-i設計有助輸出平均又慳油。
本田Jazz$134,880
點睇：剛啱推出Facelifted新版，樣靚之餘重更富朝氣，據知，原有一台1.3公升直4引擎（馬力86匹），經廠方調校後較前更慳油，確實係新一代CityCar典範之一。
點睇：剛啱推出Facelifted新版，樣靚之餘重更富朝氣，據知，原有一台1.3公升直4引擎（馬力86匹），經廠方調校後較前更慳油，確實係新一代CityCar典範之一。
日產March$119,800
點睇：圓渾的骰造型Cutie吸引，採用一台1.3公升直4引擎（馬力90匹），加埋4前速自動波箱，行車反應順滑直接，新加空氣過濾系統好啱城市代步需要。
點睇：圓渾的骰造型Cutie吸引，採用一台1.3公升直4引擎（馬力90匹），加埋4前速自動波箱，行車反應順滑直接，新加空氣過濾系統好啱城市代步需要。