特首林鄭月娥今早宣佈，將於周四起全面關閉健身中心、體育場所、美容院、按摩院等處所後，自由黨黨魁鍾國斌今午接受民主黨前主席劉慧卿網台訪問時表明，不認同政府上述「一刀切」的做法，指林鄭「講一聲好容易」，但不少行業的員工都是「手停口停」，「唔係個個好似佢（林鄭）咁，成屋都係錢㗎！」。

他又指，雖然強制全民檢測或可以將疫情個案「清零」，但實際運作卻是不可行，因為整個過程將需要香港全部封城至少一個至一個半月。鍾相信，港人最少要捱多6至7個月，才有望疫情放緩，其間很多店舖將會倒閉。他指，現時政府公佈的6.4％失業率明顯出現滯後，若一併計算現時停薪留職和放無薪假的僱員，以及旅遊業逾廿萬名從業員，相信失業率目前至少有12％。

談到建制派為何未有一致迫使政府推出政策協助失業人士時，鍾國斌辯稱由於建制派光譜很闊，「無一個政策係我哋有共識去夾佢（政府）做」，但又否認建制派在立法會只是橡皮圖章，指早前在建制派反對下，政府即撤回全部公務員開位建議，「佢哋知道唔夠票嘅嘢，佢哋係會縮」。

他又指，隨著議會常態改變，相信政府不會將建制派反對的建議提交立法會，提交前亦先按建制派要求作出修改。他形容立法會在沒有民主派議員下，建制派自然會與政府「脫鈎」，「但當然唔會好激進咁同政府講數」。

對於「港版國安法」生效後，多名民主派人士因此被捕，鍾國斌指過去與林鄭會面時，曾批評政府經常都引用國安法處理一些其實毋須使用國安法處理的問題，「而家香港好似得返一條國安法，我都有同政府反映過呢樣嘢，（其實）唔應該係咁」。

近日有來自內地的「新香港人」成立新建制派政黨「紫荊黨」，鍾國斌相信，該黨的發起人有商界背景，若然參選來屆立法會功能組別，「最多咪攞咗金融界或銀行界，最多畀多個保險界佢哋，差唔多嘞」，又指有關人士未必首次參選即會當選。對於「紫荊黨」以在港招收25萬黨員為目標，鍾笑說：「佢哋成事先算啦，廿五萬喎，你叻得過民主黨、叻得過民建聯？人哋喺地區深耕20、30年先有咁嘅成績，你估幾個金融才俊就做到？我有好大嘅問號喺度」。他指，該黨近年亦長期進行地區工作，但始終在直選議席都是「食蛋」，「唔係有錢就等於可以做到嘢、攞到票」。

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！