如果大家聽到萬梓良(萬子)呢個名，會諗起啲咩先，相信大家都會諗到係佢喺電影中嘅金句，就係：「阻人扑X死咗會俾人燒春袋o架！」仲要加埋個英文版「You disturbed by fxxking, your spring pocket will be barbecued.」

以上兩句金句都係出至《賭俠大戰拉斯維加斯》，萬子喺戲中演奸角Peter朱，萬子喺戲中講過嘅對白，唔少金句到咗今日，都仲有網民會拎嚟用，好似有「你食咗屎啊？把口咁臭嘅？」、「Sir你老母！」、「天地有正氣，你哋班仆X衰到痺。」「唔好打我塊面啊！」等等...仲有萬子嘅金曲，就係：「今晚扑X夜唔夜啊？叫雞好過摸大髀！」，仲有就係佢喺劇集《流氓大亨》入面，當鄭裕玲昏迷時，萬子一句大叫「So what！」，你都咪話唔經典。

除咗金句、金曲，仲有一張cap圖，雖然圖嘅主角唔係萬子，但都關佢事，就係張學友嘅：「食屎啦你！」呢張咁經典嘅cap圖，係出自電影《旺角卡門》，當時張學友講呢句對白，就係對住萬子講喇！