前田敦子被松田龍平搞大肚？
蘋果日報 2015/07/23 06:00
蘋果即時前田敦子松田龍平松田翔太青蛙小靈精雞冠頭返鄉下
前田敦子首次喺電影中扮大肚婆，仲係俾松田龍平（右圖中）搞大嘅㖭。- 粉絲見到前田呢個大肚look，會唔會接受呢？
- 故事講大咗肚嘅前田，跟埋松田返鄉下。
- 松田龍平梳個雞冠頭做主角。
- 千葉雄大就做松田個細佬。
日本組合AKB48前一姐前田敦子，今年都好多演出機會，o依家同松山研一合作演新劇《青蛙小靈精》之外，又拍咗套新片《雞冠頭返鄉下》，睇個戲名就知道係套開心嘅電影，喺片中前田就同松田龍平合作，之前佢就同松田龍平細佬松田翔太合作，仲搞到傳緋聞。
片中松田龍平同前田都係梳個雞冠頭髮型，夠晒騎呢，而故事講前田被松田搞大個肚，之後就去咗松田鄉下同佢阿媽、細佬一齊生活，由於前田演出嘅角色性格奔放，令到松田鄉下起咗好大變化。雖然電影明年初先至上，但今日就已經有前田大肚look劇照曝光，啲粉絲有冇受到刺激呢？
片中松田龍平同前田都係梳個雞冠頭髮型，夠晒騎呢，而故事講前田被松田搞大個肚，之後就去咗松田鄉下同佢阿媽、細佬一齊生活，由於前田演出嘅角色性格奔放，令到松田鄉下起咗好大變化。雖然電影明年初先至上，但今日就已經有前田大肚look劇照曝光，啲粉絲有冇受到刺激呢？