根據新交所嘅建議,提出要提高主板新秀加入嘅門檻,即係擴大新股最低限度嘅規模,避免佢哋喺主板毫不起眼,又會推出一個「觀察名單」,將表現唔及大市嘅上市公司納入其中,最終可能要求對方除牌。
Sesdaq方面,建議仿效英國創業板AIM嘅做法,引入保薦人監督模式,由保薦人機構決定公司係咪適合喺新板上市,縮短上市申請時間,但呢啲新股嘅市值唔能夠超過1.5億坡紙。咁樣係為咗將兩個交易板嘅上市公司區分,吸引更多中型市值公司去主板掛牌。
呢次打到嚟,唔知港交所會點接招,不過,聽講港交所一早否決咗用英國AIM模式引入創業板,但唔知又有乜招數呢?夏主席睇嚟要加快啲腳步喇!
[email protected]