今日驚爆出黃宗澤(Bosco)同「姐姐」楊崢拍拖，楊崢今日完成活動仲揸住疑似係Bosco嘅座駕離開，被問係咪同Bosco，佢就話:「係啦，互相了解，互相認識緊﹑了解緊。」

咁Bosco一方又點回應呢?今日佢就現身電視城，有愛情滋潤，全程四萬咁口，佢就默認戀情，承認雙方了解中。有人目擊佢哋兩個喺西貢拖手同共食曲奇，Bosco就話：「正常社交活動，未見家長，但媽咪知道。」Bosco又大讚楊崢聰明、EQ高、雙方都愛飲食：「最緊要係溝通到，年紀絕對唔係考慮因素。」睇嚟兩個感情都好穩定!