上周末（23日）從化馬場上演了首個馬會自家「越洋」賽日，行政總裁應家柏賽後被記者問到日後從化賽事會否受注，答案是會依國策行事，並預計「短期」內不會獲開綠燈。難怪隨即有朋友解讀為應總咁講，即係「長線」話唔埋啦！

就算從化馬目前無得賭，但都值得大家考吓眼光照正常揀馬，因為可以嘗試在沒有賠率下作決定，看看是判斷更準或更差？了解自己是否容易被電算機帶住走！

正當不少練馬師派馬到從化一試，苗禮德則自動棄權，再看今次（27日）谷草夜賽四匹參戰馬俱有實力，練者還是屬意「主場出擊」。

第三場四班1200米「健康在望」上仗谷草1200米票數硬淨，結果中段嚴重受阻下仍衝贏，盡顯超班馬本色，有力再下一城。

至於同是新勝的廐侶「有備而來」跑尾場三班1650米，剛戰谷草同程遇超快步速跟前贏馬亦是十級難度，今次續配贏馬拍檔田泰安兼抽3檔好位，連捷在望。

-----------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI