英國萬人迷碧咸（David Beckham）大仔Brooklyn同「紫天椒」嘉兒莫蕊茲（Chloe Moretz）近日盛傳又翻撻，佢哋除咗被拍到日前結伴外出，仲各自喺Instagram公開喺同一地方影嘅相，有意高調晒戀情。

Brooklyn同嘉兒喺2014年傳出戀情，後來一度分手，直至去年高調復合，但幾個月之後又再分手收場。近日，有報道話Brooklyn同嘉兒喺一個派對現場直認又翻撻，之後佢哋曾經被拍到結伴外出。

噚日，佢哋就各自喺Instagram公開喺同一地方影嘅相，而另外一張Brooklyn喺locker前伸脷嘅照片，粉絲都估計係由嘉兒揸機，嘉兒仲留言留咗個心心emoji，今次宣告復合佢哋又再愛得高調。