一連兩晚「呂方代表演唱會2015」前晚假紅館舉行，還邀得兩位重量級嘉賓汪明荃（阿姐）和徐小鳳助陣。7年前呂方與鄭裕玲（嘟嘟）分手，不過二人的一段舊情卻在騷上被「擺上枱」。
呂方為了介紹阿姐出場，精心鋪排了一段古仔，呂方說：「我係想講番自己第一次。」有觀眾大叫：「係咪講同嘟姐嘅嘢？」呂方即刻否認說：「唔好講呢啲。」他續說：「未入行參加《歡樂今宵》叫『星星星』環節歌唱比賽節目，我輸咗，但係見到我個女神。」有觀眾高呼：「鄭裕玲。」呂方說：「你再咁講我真係嬲㗎！我好小器，我真係會嬲，雖然我同好多阿姐有緣，但係呢個世界上有好多阿姐，其實嗰個係汪明荃。」

徐小鳳爆料勁𤓓

另一嘉賓徐小鳳台上爆拒任杜德偉演唱會嘉賓，她說：「咁多年冇見，唔知叫我做咩、搞啲咩，好似杜德偉咁着三角褲出來，咁我咪水洗都唔清？」台下的杜德偉突然站起來，小鳳姐即尷尬說：「Sorry，唔好意思，唔係個個着得咁靚。」另外，音樂總監倫永亮踢爆呂方因緊張演唱會要求醫，他說：「佢睇完西醫又話睇中醫，睇完又話跟杜德智做運動，原來係心理問題，最終醫生開鎮靜劑佢食。」
採訪：王連連
攝影：陳順禎