「lailailailailai…」

黎明4D演唱會，今晚尾場喇!!!

之前幾乎日日都落雨，仲出埋雷暴警告，橫風橫雨下開騷，仲要玩摩天輪，都真係夠晒驚險。嚟到最後一場，天公造美，今日，好天!

晚上近7點，黎明一如昨日，先現身同fans玩摩天輪，先同四位粉絲合照，再登上摩天輪。而喺佢同fans升空期間，場內就播住黎明嘅《傻痴痴》——好冧啊!

玩完摩天輪落番地，黎明快閃三分鐘左右，就返入場地作最後準備，成班fans一見黎明動身，即好似「動物大遷徒」咁跟住佢一齊行，場面非常壯觀。