【新增影片】
曼聯中場保羅普巴受傷之後恢復輕量訓練，係咪表示好快就出得場呢？

普巴係社交媒體upload咗幾段做gym嘅片。領隊摩連奴就冇講普巴幾時復出嘅，仲話佢有可能同伊巴謙莫域、馬高斯盧祖一樣長期缺陣。摩佬，你唔好嚇曼迷啦。

普巴已經錯過五場紅魔嘅比賽，下輪「雙紅會」對陣利物浦都咪預佢。除咗普巴，最近狀態大勇嘅費蘭尼為比利時出戰時都傷咗，比利時隊醫預計佢會缺陣兩到三星期。

兩個重要球員受傷，摩佬話唔驚，仲話唔會因為咁而抱怨。好彩，盧卡古預計可以喺「雙紅會」出場，如果唔係摩佬早就喊出嚟。「新魔獸」喺曼聯對戰水晶宮前嘅訓練受傷。