翠華（1314）主席李遠康由外賣仔做到上市公司主席，被視為都市勵志故事，但連翠華廚房都未入過的仔仔李祉鍵，年僅31歲即已成為公司執董。問到李祉鍵是否識沖翠華招牌奶茶，原本頗拘謹、腰板奇直的他即擰擰頭笑：「嘩！即拉奶茶我就唔識，但我由細到大真係茶餐廳出身，飲杯奶茶好似飲紅酒咁，嗰種回甘味都喺一種學問，我對飲一杯奶茶都好有研究。」

雖不識沖奶茶，但李祉鍵加入翠華工作已近10年，即幾乎一畢業已在翠華工作，第一份暑期工在中環總店做了3個月樓面，都知做茶餐廳要刻苦耐勞。他指現時會從營運着手，投入資源幫助前線員工，如改用PDA機落單取代手寫。

被外界視為翠華接班人，李祉鍵稱平日會「捐窿捐罅」覓食搵靈感，如去旺角的「食廈」試樓上私房菜，坦言在「屋企嘅文化培養下，（對食）比較上有要求」，但所指並非高檔、豪華，而是要食材好、夠貼地，老少咸宜：「飲杯奶茶，食個奶油豬，鋸個鐵板餐都可以。」

李祉鍵除了去年負責翻新中環威靈頓街總店，其參與翠華的頭炮項目，是2008年擔任公司的市場推廣及設計主任時，負責翠華尖沙咀店宣傳活動，當年宣傳口號「尖咀的人有福了」，以「尖咀」一語雙關指口味挑剔的人，玩食字成功奪廣告大獎。而2009年開將軍澳分店，團隊亦製作了「好味道到將軍Ｏ（澳）」平面廣告，為翠華打造較年輕新潮的形象。

加入翠華董事局後，李遠康有無親身指導？李祉鍵坦言二人年紀、方向「一定有唔同」，思維未必一樣，但會將父親的意見融入其新主意中，「希望畀人睇到成績。」

李遠康「捱騾仔」起家，李祉鍵作為富二代，會否怕別人將自己與父親比較？李祉鍵即時抹額上的汗：「無諗過同人比較。」他又話，「阿爸係一個值得大家尊重的人，同事之間都肅然起敬。」

記者：范穎琛 方楚茵

掌握財經生活資訊，即Like「蘋果ATM」fb專頁啦！
http://fb.com/appledailyatm