香港馬迷都應該對歐洲馬「富林特郡」不陌生，這匹香港瓶前盟主已經移民去北美掘美金，仲越掘越開心。無法啦，留守歐洲又敵不過班大老虎，唯有去美國尋求突破。反正北美草地賽事水平不高，「富林特郡」已夠卡士去當地搶錢。

其實除「富林特郡」之外，曾經於越洋賽見過的歐洲馬「愛徒」亦都去咗美國，而兩匹馬最近就齊齊出戰2400米一級賽祖夏殊草地經典錦標，一見到有兩匹歐洲草地馬報名，當堂嚇窒其他對手，最終成場馬都只得四匹參賽，結果「愛徒」第一，「富林特郡」第二，一對歐洲馬索盡冠亞軍獎金，認真爽歪歪！實在香港賽駒都不妨又試下去美國跑草地賽，說不定可拿回幾個一級賽銜頭回港威威。