雨僑在 去年8月為羅力威誕下女兒羅約彌 （Harper），專心相夫教女的雨僑閒時都會影相和拍片，分享湊女的感受和點滴，獲得不少新手媽咪的共鳴。繼早前雨僑踢爆老公瘀事，說的話令人摸不着頭腦要估估吓兼 搞錯Do姐叫「鄭裕彤」 後，今晚她在YouTube上載了段老公湊女的短片，事緣因她要外出睇牙醫，於是將女兒交給老公照顧，結果當然是慘不忍睹，雨僑形容為粉碎前世情人的傳說，兩父女互相傷害！

在片中，本來羅力威朝早負責餵奶，可惜他一直「懶」在床上與貓貓一齊睡覺，雨僑惟有親自出馬，過了一會終於見到羅力威出場，他頭髮蓬鬆兼一臉疲態餵奶，接着抱着囡囡睇風景，可惜囡囡不安地扭來扭去，其後見到兩父月坐在梳化上，不過囡囡並沒有着衭仔，雨僑再三追問下，羅力威說：「首先兩個原因，一來唔係好凍，二就係我唔係好想扣。」雨僑更發現囡囡嘔奶，但爹哋懵然不知！

接着羅力威幫囡囡尿片，全程雞手鴨腳，甚至「便便」更整污糟囡囡的羊毛底衫，之後又見到羅力威為囡囡着衫襯到不倫不類，轉個頭聽到囡囡大喊，不過羅力威竟然在床上扮瞓覺，他死撐地說：「我唔瞓多啲覺，如果唔係點樣湊女呀！」為了消囡囡無窮無盡的體力，他與囡囡一同做運動，又與囡囡上音樂堂，可惜囡囡仍然喊過不停，要媽媽出手安撫才平復下來。

在片尾雨僑問囡囡，羅肥肥「咿咿呀呀」地投訴爹哋，媽咪配上字幕，笑稱：「我好嬲，爸b又唔起身、又唔做嘢，激死人呀！冇下次！」有不少網民留言讚雨僑EQ好：「如果係我，講到明第日佢湊同交代個流程之後都唔較鬧鐘幫手換片個刻我已黑面，再見到佢抱又抱唔好想推返個囡畀媽媽時，我諗我已經爆咗！」雨僑回覆：「講好聽朝你湊嘅下場：『佢會起身行過去，拎個女擺喺熟睡中嘅我個頭隔籬。其實佢願意起身嘅，但係之後嘅嘢做唔到之嘛！」亦有人笑說：「爸爸湊到夜晚連鬚都生埋！」

其後雨僑回覆《蘋果》，她笑說：「睇到佢哋話想衝入去插手，好好笑，睇到啲阿媽好肉緊。爸B平時就係咁湊女，可能大啲識表達多啲爸爸先溝通到，而家bb都係覺得同陀住十個月嘅媽媽熟啲。」

-----------------------------

《蘋果》英文版免費試睇： 了解更多

英文版已登錄《蘋果》App，立即 下載/ 更新 ： iOS / Android

-----------------------------

支持蘋果深度報道，深入社區，踢爆權貴，即Like 蘋果專題及調查組FB專頁 ！