喺早幾個月前，有「抽水大王」之稱嘅官方義旗下高山企業（616），炒新創建（659）輸咗成兩球，不過有賭未為輸。另一間旗下公司永義國際（1218）決定買入3,000萬蚊工行（1398）嘅股票掛鈎票據（ELN），如果贏咗有成15厘年息㗎。

ELN個玩法唔複雜，對賭期係兩個月，如果工行喺8月10日同9月8日當日嘅股價高過4.703元（今日收報4.81元），佢就可以收返個本金同埋15厘年息，計埋都有75萬蚊。

不過如果輸咗，即係工行個股價喺兩個估值日低於4.703元，就要用呢個價接貨，隨時會蝕鑊甘。不過永義國際就解釋話ELN冇經紀費用及結算費用，潛在利息收益比一般存款高，「善用股份走勢，是賺取更具吸引力的利率的機會」，但前提係要睇得中股份走勢囉。

李華華