近期多名韓國男星先後入伍當兵，不過今年8月就31歲生日嘅韓劇《原來是美男》男星張根碩，就遲遲未有透露當兵計劃，近日更忙於拍攝新劇《Switch－改變世界》。今日張根碩出席新劇發佈會時，就終於提到當兵一事，表示《Switch－改變世界》可能係佢當兵前最後一部作品，似係暗示將於今年內入伍。

今日張根碩孖韓藝璃出席新劇發佈會，表示《Switch－改變世界》可能係佢當兵前最後一部作品，因此會努力拍攝，希望劇中角色可以成為佢嘅代表作。

張根碩於新劇中一人分飾兩角，分別飾演檢察官及天才騙子，張根碩更坦言對自己嘅演技非常有信心，《Switch－改變世界》將於今晚喺SBS首播。

更多韓流，喺晒《娛果》
http://fb.com/appledailyent