身在三藩市、37歲嘅準新娘Gaile前日就喺Ig擺咗一條限時動態分享,原來佢搞咗個歡迎飯局熱身,身穿白色晚裝裙嘅佢明艷照人,同女性好友坐喺車廂,同期出道嘅模特兒好友Danielle更由新加坡飛嚟,陪佢出嫁。Gaile喺片中表現淡定,向鏡頭揮手微笑,待嫁心情超靚,原來呢個婚前飯局係招呼呢班海外好友,佢更寫上「The calm before the storm」,應該形容自己大日子心情為暴風前的平靜。之前,Gaile透露過今次再婚同Ian有共識,只會搞一個約50人嘅簡約小型婚禮,主力邀請雙方嘅至親好友。馮仁昭就搵過Gaile問待嫁心情,估計佢忙於為婚禮作最後準備,未有時間回覆。
撰文:馮仁昭