【新增影片】

新英倫愛國者星級四分衛布拉迪，星期日啱啱協助球隊第五次捧走超級碗，而佢自己亦喺呢場屢創紀錄嘅比賽榮膺MVP，賽後佢抱住囡囡同名模太太Gisele Bundchen咀嘴嘅場面真係sweet到爆。事業家庭兩得意，39歲嘅布拉迪絕對係人生贏家。

布拉迪太太Gisele唔使多講，呢位巴西超模相信冇乜人唔識，佢同布拉迪喺2006年12月開始拍拖，2009年2月結婚，佢哋生咗一仔一女，四口之家可以話夠晒幸福。

其實睇番布拉迪以前嘅情史，喺Gisele之前嘅女伴有喺2004至06年同佢拍過拖嘅演員兼模特兒嘅Bridget Moynahan，Bridget更加喺同布拉迪分手之後爆出已經有咗，布拉迪嘅大仔就係由Bridget所生。另外，2006年傳過同布拉迪一齊嘅有演員Tara Reid同當時做愛國者啦啦隊隊長嘅Meghan Vasconcellos，仲有2002年同佢約會過一段短時間、做過model同演員嘅Layla Roberts，位位都係索女，大家真係唔恨得咁多。